Қазақ эстрадасының жарқын жұлдызы Әли Оқапов Kezdesu бағдарламасына берген сұхбатында өзі үшін ең қорқынышты нәрсе не екенін айтты, - деп жазады Alash.KZ.
Өнер иесінің сөзінше, әнші үшін ең қорқыныштысы нәрсе - дауысынан айырылып қалу көрінеді.
"Ондай оқиға болды, бар. Дисфония деген ауру. Осыдан 6 жыл бұрын басталды. Әлі де бар. Онымен жұмыс істеп жатырмын. Соңғы бірнеше жылда 5-10 пайызға жақсарып келе жатыр. Сонымен ән айтуды үйреніп алдым. Ол - өте сирек кездесетін ауру. Қайдан шыққаны белгісіз. Көбі "психологиялық тұрғыда күйзелістің нәтижесі" дейді. Кейбір адамдарда жұмыс бөлек, отбасы бөлек, жеке өмір бөлек. Ал менде бәрі бір: отбасым, махаббатым, жұмысым, достарым, өмірім - өнер. Кез келген мәселе бірден бәріне тиеді. Жеке өміріме байланысты сондай үлкен мәселе болды. Бірақ жұмысыма, отбасыма - бәріне әсерін тигізді", - деді әнші.
Әншімен болған сұхбаттың толық вариантын мына YouTube арнадан көруге болады.
