Шешенстан Республикасының басшысы Рамзан Қадыровтың айтуынша, бейбітшілік тек Украина Ресей Федерациясының "аймағы немесе округі" болғанда ғана орнайды, деп Alash.kz ұлттық порталы РИА Новости-ге сілтеме жасап хабарлайды.
Қадыров басылымға берген сұхбатында өзін Украинадағы соғысты тоқтатуды қолдаушылардың қатарынан санамайтынын айтты. Оның пікірінше, қазіргі жағдайда соғысты тоқтату Ресей үшін тиімсіз.
"Мен қазіргі ахуалда ұрыс қимылдарын тоқтатуды жақтамаймын. Қазір соғысты тоқтату бізге тиімсіз деп санаймын. Біздің шекарадағы бейбітшілік тек Украина жері Ресейдікі болғанда ғана мүмкін", – деді Қадыров.
