Мәжіліс отырысында анасының туған күніне құтты болсын айтқан депутат Ардақ Назаров мәлімдеме жасады, деп хабарлайды Alash.KZ.
Депутат мұндай әрекетін жас ұрпаққа ой салу үшін жасағанын да жасырмады:
"Анасын туған күнімен құттықтады деп даурығып жатқан жандарға жол болсын. Кеше ғана әкесін қан-жоса етіп тепкілеп, боқтаған видеоны баршаңыз көрдіңіздер. Бұл қабырғамызды қақыратып, жүрегімізді сыздатты. Оны көрген жас ұрпақ ертең оны қайталамасына кім кепіл? Ең ауыры бұл бейнежазбаға түскен бір ғана оқиға. Шын мәнінде ұрпағым үшін деп ғұмыр кешкен қаншама әке жетесіз ұлдарының қолынан қаза тапқанын естіп те жүрміз.
Дәл осындай сәтте елге ой салсақ, өскелең ұрпаққа сабақ болса деген ниетпен биік мінберден биік анаға деген құрметімді жеткізгім келді. Мәселе Парламент төрінде құттықтағанымда емес. Мәселе қайда жүрсең де, қандай қызмет атқарсаң да, мейлі кім болсаң да ата-анаңды құрметтеуді ұмытпауда", - деді ол.
