11 қыркүйек күні Маңғыстау облысында, Бекет ата қорымына апарар жолда болған ірі жол апаты он адамның өмірін қиды. Қаза болғандардың арасында елдің әр өңірінен келген әйелдер бар екені белгілі болды, деп хабарлайды Alash.KZ.
Ресми дерекке сәйкес, қайтыс болғандардың жетеуі - әйел. Олардың кейбірі өмірін өнеркәсіп саласына арнаса, енді бірі отбасымен елдің түрлі аймақтарында тұрмыс кешкен.
Марқұмдардың арасында:
Рахима Сатыбалдиева (1960 ж.т.) — Түркіменстанда туған, Жаңаөзенде тұрған.
Гүлсім Аманжолова (1969 ж.т.) — Жаңаөзен қаласының тұрғыны.
Агорн Джимбаева (1958 ж.т.) — Қазақстан азаматы, Жаңаөзенде тұрған.
Ғалия Оразбаева (1989 ж.т.) — Ақмола облысының тумасы, соңғы жылдары Астанада тұрған.
Сәуле Измайлова (1968 ж.т.) — Қарағанды қаласының тұрғыны.
Лариса Виденская (1969 ж.т.) — Ресейде туған, кейін Қазақстан азаматтығын алған, Қарағандыда тұрған.
Наталья Вострецова (1974 ж.т.) — Теміртау тұрғыны, “АрселорМиттал Теміртау” металлургия комбинатында 30 жылдан аса уақыт токарь болып еңбек еткен. Жеті баланың анасы.
Бұл қайғылы оқиға қалың елдің қабырғасын қайыстырды. Қаза тапқандардың арасында еңбек адамы да, көпбалалы ана да бар. Қоғамда олардың отбасына қолдау көрсету, қайғыға ортақтасу туралы пікірлер айтылып жатыр. Қазіргі таңда жол апатының себептері анықталып жатыр. Тергеу амалдары басталып, тиісті органдар оқиғаның мән-жайын тексеруде.
